Duo Mokumer Molleboon - zo nuimd omreden dat baaide Grunneger muzikanten ien Amsterdam wonen - brengt n veulkleureg pergram mit meziek oet Grunnen deur de tied en t joar hin.

Der kommen laidjes aan bod dij ien verband stoan mit joarwizzelns, Poask, Sunnermeerten, kermizzen, bruloften en potverteerns.

En oet aigen tied kins laidjes heuren zo as t Verrötte brugje (Meksikoans), Elke raais (Cole Porter), Mien lutje Laif (Arnold Veeman), Zaike Pasha (laid oet Macedonië) en Mien Slichte Laand (Jacques Brel/David Hartsema).

Hou zai as Mokumse Grunnegers n plekje geven aan n laid van André Hazes, doar zigs t publiek voak bie dinken: bennen ze nou hailendaal belotjed?!

t Pergram wordt ofsloten mit Ede Staals: 'Wie schenken ons nog ain in'.

Contact informatie

Jan Sleumer en Winfried Veenker: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Groningen vrijdag 12 december 2014 20.00 uur